Кыргызстандык «Адал Азык» ишканасы JAFZA аймагында өкүлчүлүгүн ачууга мүмкүнчүлүгүн караштырып жатат
«Адал Азык» кыргыз компаниясынын өкүлдөрү арабиялык JAFZA эркин аймакта компания ачуу жана өндүрүш мүмкүнчүлүгү тууралуу толук маалымат алышты. Бул тууралуу Соода-өнөр жай палатасы билдирди.
Маалыматка ылайык, кыргыз компанияларга JAFZA тарабынан атайын Дубайдагы компанияларынын бет ачары өткөрүлдү жана Бишкек экономикалык аймагынын ар кандай департаменттеринин өкүлдөрү менен байланыш түзүлдү. Транспорттук компаниялардын өкүлдөрү Кыргызстандан БАЭге жана андан ары Перс булуңундагы өлкөлөргө жүк ташууда экономикалык аймак менен өз ара аракеттенүү боюнча сүйлөшүүлөрдү жүргүзүштү.
Жолугушуунун соңунда ишкерлер үчүн компанияны онлайн-платформаны колдонуу менен экономикалык аймакта бизнес жүргүзүүнүн артыкчылыктары жана аны каттоо маселелери боюнча тренинг өткөрүү макулдашылды.
