10-майда «Кыргыз почтасынын» директорлор кеңеши Марат Черикчиевди ишкананын башкармалык төрагалыгына кайрадан шайлады. Бул тууралуу «Кыргыз почтасы» Facebook социалдык тармагындагы баракчасында билдирди.

Черикчиев «Кыргыз почтасында» 2011-жылдын декабрынан бери башкы директордун орун басарынын кызматынан баштаган. Буга чейин Черикчиев Транспорт министрлигинде иштеген.

Кошумчалай кетсек, 28-апрелдеги акционерлердин жалпы жыйынында «Кыргыз почтасы» ишканасынын директорлор кеңешинин курамы жаңыланды. Анын курамына Нургазы Сатимкулов, Бахтияр Болгонбеков жана Усеналы Бекишев кирген.