Жалал-Абадда 59 жаңы кайра иштетүү ишканасы жана 7 соода-логистикалык борбор ачылат
Суу ресурстары, айыл чарба жана кайра иштетүү өнөр жайы министрлиги 2030-жылга чейин өлкөдө айыл чарба продукциясын кайра иштетүүнүн деңгээлин 25%га жеткирүүнү максаттап, жалпы 385 ишкананы түзүү боюнча пландарын улантууда.
Министрликтин маалыматына ылайык, Жалал-Абад облусунда жасалган талдоо боюнча, 7 соода-логистикалык борбор жана 59 кайра иштетүү ишканасын ачуу пландалууда. Бул ишканалар аймактын климаттык жана географиялык шарттарын эске алуу менен иштеп, айыл чарба продукциясын сактоого, жоготууларды азайтууга жана кайра иштетүү көлөмүн көбөйтүүгө багытталат.
Ишканалар буудайды, жашылча-жемиштерди, мөмө-жемиштерди, сүттү, этти, жүндү кайра иштетүүнү, ошондой эле май жана тоют өндүрүүнү камтыйт.
Район жана шаарлар боюнча пландар:
- Аксы району – 1 СЛБ, 10 ишкана
- Ала-Бука району – 1 СЛБ, 7 ишкана
- Базар-Коргон району – 2 СЛБ, 6 ишкана
- Ноокен району – 1 СЛБ, 7 ишкана
- Сузак району – 1 СЛБ, 9 ишкана
- Тогуз-Торо району – 7 ишкана
- Токтогул району – 1 СЛБ, 6 ишкана
- Чаткал району – 6 ишкана
- Кара-Көл шаары – 1 ишкана
Бул долбоор ар бир аймактын адистешүүсүнө ылайык ишканаларды туруктуу чийки зат менен камсыз кылууга мүмкүндүк берет. Натыйжада айыл чарба продукциясынын жоготуулары азайып, жаңы жумуш орундар түзүлүп, агроөнөр жай комплекси атаандаштык мүмкүнчүлүктөрүн кеңейтет.
Министрлик жергиликтүү бийлик органдары менен биргеликте долбоорлорду ишке ашырып, региондордун агроөнөр жай потенциалын жогорулатууга багытталган иштерди улантат жана өлкөдөгү ишкерлерди жана инвесторлорду кызматташууга чакырат.
Суроолор боюнча байланышыңыз: 0708 320 820, 0990 559 083
