Жаңы тарифтер электр энергиясынын өздүк наркынын 45%ын гана жабат

Жаңы тарифтер электр энергиясынын өздүк наркынын 45%ын гана жабат

1-майдан тартып тарифтер өзгөргөнүнө карабастан, Кыргызстандагы калк электр энергиясынын чыныгы өздүк наркынын болгону 45%ын гана төлөрүн Отун-энергетика комплексин жөнгө салуу департаментинин директору Тимур Орозалиев билдирди.

Анын айтымында, 2026-жылы электр энергиясынын бир киловатт-саатынын өздүк наркы 3 сом 3 тыйын болуп эсептелет.

"1-майдан тартып тариф 1 сом 64 тыйын болот. Демек, жаңы тариф дагы азыркы учурдагы товардын чыныгы өздүк наркынын 45%ына гана туура келет", — деп түшүндүрдү Орозалиев.

Ал эми  "Улуттук электр тармактары компаниясы" ААКнын башкы директорунун орун басары Уларбек Дүйшө уулу Кыргызстанда электр энергиясынын тарифтери Борбор Азиядагы эң төмөн тарифтер бойдон калып жатканын белгиледи.

Ал коңшу мамлекеттердеги тарифтер менен салыштыруу келтирди:

  • Казакстан — 4,31ден 5,54 сомго чейин,
  • Өзбекстан — 4,30дан 7,30 сомго чейин,
  • Тажикстан — 3,16дан 3,60 сомго чейин бир киловатт-саат үчүн.

Эске салсак, 1-майдан тартып күчүнө кире турган жаңы тарифтер керектөөчүлөрдүн сегиз негизги категориясы боюнча бөлүштүрүлгөн. Алардын ичинде калк, өнөр жай ишканалары жана бюджеттик мекемелер бар.

Министрлер кабинети 2030-жылга чейин энергетика системасын өзүн-өзү актаган деңгээлге чыгарууну пландап жатат. Бул үчүн "жашыл" каржылоону тартуу жана мамлекеттик-жеке өнөктөштүктү өнүктүрүү каралууда.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Энергетика

Акыркы жаңылыктар

Баары

Ысык-Көлдө 1000ден ашык жаранга акысыз медициналык консультациялар берилди

Самарканд марафонуна 70тен ашык өлкөнүн өкүлдөрү катышууда

Жарандык авиация агенттиги C5+1 конференциясына катышты

Москва районунда ишке ашырылып жаткан инвестициялык долбоорлор аталды

Токмокто 5 жылда 28 социалдык объект пайдаланууга берилген