Жеке ишкердикти жабуунун тартиби боюнча Салык кызматы түшүндүрмө берди
Мамлекеттик салык кызматы жеке ишкердикти токтотууну пландаган жарандар үчүн жол-жобону түшүндүрүп берди. Маалыматка ылайык, ишкердикти жабуу үчүн жарандар катталган жери боюнча салык органына арыз тапшыруусу керек.
Ишмердүүлүктү токтотуу үчүн төмөнкү документтер талап кылынат:
- STI-164 формасы,
- жеке күбөлүк,
- ликвидациялык отчеттор (зарыл болгон учурда).
Эгер ишкердикте контролдук-кассалык машина (ККМ) колдонулса, аны да сөзсүз түрдө эсептен чыгаруу керек.
Салык кызматы отчеттуулукту текшерген соң, бардык талаптар аткарылып, эч кандай карыздар жок болсо, 15 жумушчу күндүн ичинде расмий чечим чыгарат. Эгер тобокелчиликтер аныкталса, кошумча көчмө текшерүү жүргүзүлүшү мүмкүн.
Мамлекеттик салык кызматы ишкерлерге эскертет: жеке ишкердик толук жабылганга чейин жаңы ишкердик ача албайсыз.
