Тарыхый рекорд - Финансы министрлиги бюджеттин тартыштыгы 35.4 млрд сомго чейин өскөнүн тастыктады
Финансы министрлиги 2022-жылга республикалык бюджеттин тартыштыгы боюнча маалымат берди. Берилген маалыматтарга ылайык, министрлик 35.4 млрд сомго каражат тартыштыгы көбөйгөнүн ырастады. Белгилей кетсек, бул Кыргызстандын тарыхындагы абсолюттук рекорд.
Министрлик бул тактоолорго ылайык, быйыл республикалык бюджеттин кирешеси 272 млрд сом деңгээлинде болжолдонуп жатканын, бул пландан 10.1 млрд сомго аз экенин билдирди.
«Салыктык түшүүлөрдүн азайышынын негизги себеби – Украинанын аймагындагы куралдуу кагылышуу жана Россияга карата кошумча санкциялардын киргизилиши. Бул ЕАЭБдин кирешелеринин азайышына алып келди, бул РФдан жана Беларусиядан азыраак өлчөмдө бажы төлөмдөрүнүн түшүүсүнө таасирин тийгизди», – деп айтылат билдирүүдө.
Республикалык бюджеттин чыгашалары, тескерисинче, 16.1 млрд сомго өсүп, болжолдонгон 307.4 млрд сомго жеткен. Алардан:
- Бюджеттин чыгашалары 2.9 млрд сомго көбөйгөн
- Атайын эсептердеги каражаттар боюнча чыгашалар 11.8 млрд сомго көбөйгөн. Бул мамлекеттик кызматтарды көрсөтүүчү мамлекеттик органдардын чыгымдары болуп эсептелет
- Мамлекеттик инвестициялык чыгашалар 1.4 млрд сомго өстү. Бул мамлекеттик инфраструктуралык долбоорлордун чыгашалары болуп саналат.
Республикалык бюджеттин тартыштыгы 26.2 млрд сомго өсүп, 35.4 млрд сомду түздү.
Республикалык бюджеттин тартыштыгынын түзүмү, Финансы министрлигинин маалыматы боюнча төмөндөгүдөй бөлүндү:
Республикалык бюджеттин тартыштыгынын түзүмү, Финансы министрлигинин маалыматы боюнча төмөндөгүдөй бөлүнгөн:
“Диаграммадан көрүнүп тургандай, республикалык бюджеттин тартыштыгынын түзүмү бюджеттик каражаттардын тартыштыгынан, атайын эсептердеги каражаттардын тартыштыгынан жана мамлекеттик инвестициялардын тартыштыгынан турат.
Мамлекеттик инвестициялардын тартыштыгы 14.2 млрд сомду түзөт, ал мамлекеттик инвестициялардан түшкөн каражаттардын эсебинен, башкача айтканда, тышкы булактар аркылуу жабылат”, – деди Финансы министрлиги.
Ошондой эле, мамлекеттик органдардын атайын эсептеги каражаттар боюнча кирешелери 19.5 млрд сомду, чыгашалары 26.2 млрд сомду түзөт. Анын негизинде тартыштык 6.7 млрд сомду түзөт. Бул тартыштык жыл башындагы атайын эсептердеги каражаттардын калдыгы менен жабылат.
Бюджеттик каражаттардын тартыштыгы бюджеттик каражаттардын кирешелеринин азайышынан жана чыгашалардын көбөйүшүнөн улам түзүлгөн. Бул тартыштык 14.5 млрд сомду түзөт, ал ички булактар (мамлекеттик баалуу кагаздарды чыгаруу жана жыл башындагы бюджеттик каражаттардын калдыктары) эсебинен жабылат.
Кошумча окуңуз:
Бажы кызматы төлөмдөрдү чогултуу планын аткарбагандыктан, бюджетке быйыл 24 млрд сом түшпөй калат
