«Күн Булагы» деп аталган казак-кыргыз биргелешкен ишканасы түзүлдү - 35 млн долларлык күн электр станциясы курулат
Күн электр станциясын куруу боюнча «ТазаЭнерджи» Улуттук энергетикалык холдинг ААКтын туунду компаниясы менен «Казакстандын TGS-Energy Ltd» инвестициялык компаниясынын ортосунда биргелешкен ишкана түзүлдү. Бул тууралуу Энергетика министрлиги билдирди.
Ысык-Көл облусунда 50 МВт кубаттуулуктагы күн электр станциясын куруу үчүн «Күн Булагы» ЖЧК биргелешкен кыргыз-казак ишканасын түзүү боюнча уставдык документтерге кол коюлду.
Биргелешкен ишкана КРнын аймагында жалпы кубаттуулугу 300 МВт болгон күн электр станцияларын куруу боюнча долбоорлорду ишке ашырууга багытталган. ЖЭС долбоорунун жалпы наркы 50 МВт.
“Тору-Айгыр” долбоору 35 млн АКШ долларды түзөт. Долбоорду ишке ашыруу үчүн 80 гектар жер тилкеси бөлүнгөн.
50 МВт күн станциясын куруу боюнча биринчи долбоор Ысык-Көл районунун Тору-Айгыр айылында ишке ашыруу пландалууда. 50 МВт «Тору-Айгыр» күн электр станциясынын курулушунун биринчи этабын бүтүрүү 2023-жылдын декабрына пландаштырылган жана анын кызмат мөөнөтү 25 жылдан ашык болот.
“Келечектеги күн станциясы электр тармагын кеминде жылына 90 млн кВт/саат энергия менен камсыздайт. Күн электр станциясын куруу КРнын энергетикалык коопсуздугун чыңдоого өбөлгө түзөт жана энергиянын кайра жаралуучу булактарынын потенциалын ишке ашырууга мүмкүндүк берет”, – дейт министрлик.
