2022-жылы «Кыргыз Петролеум Компани» өндүрүшүн 17.5%га жогорулаткан
Мунай чыгаруучу «Кыргыз Петролеум Компани» заводу 2022-жылы өндүрүшүн 17.5%га жогорулаткан. Бул тууралуу Соода-өнөр жай палатасы маалымдады.
Мекеме белгилегендей, завод мунайды кайра иштетүү кубаттуулугун кыйла жогорулатууну пландаштырууда. Учурда заводдун сыйымдуулугу жылына 500 миң тонна мунайды кайра иштетүүгө эсептелген. Бирок, мунай өнүмдөрүнө болгон суроо-талапты канааттандыруу жана өндүрүмдүүлүктү жогорулатуу максатында, компания бул көрсөткүчтү кыйла жогорулатууга умтулат.
«2022-жылы завод 186 миң 253 тонна мунайды кайра иштете алды, бул пландык көрсөткүчтүн 17.5% түзөт. Бул калк арасында мунайзаттарга болгон муктаждыктын өсүп жаткандыгын жана компания тарабынан өндүрүлүп жаткан продукциянын жогорку сапатын айгинелейт», - деп билдирүүдө белгиленет.
Ошондой эле, 2023-жылдын биринчи чейрегинде 48 миң 229 тонна мунайды кайра иштетүү пландаштырылган, бирок иш жүзүндө 56 миң 577 тонна иштетилген. Бул иштин натыйжалуулугун жана компаниянын көбөйгөн жүктү көтөрүүгө даярдыгын көрсөтөт. Нефтини кайра иштетүүчү заводдо учурда 200дөн ашык кызматкер эмгектенет.
