Кумтөрдөн 2.4 тонна алтыны сатылып кирешенин көлөмү $146.7 млн түздү
2023-жылдын I-чейрегинде Кумтөрдүн 2.4 тонна алтыны сатылды. Маалымат ишкананын отчетунда көрсөтүлгөн.
Такталгандай, 2023-жылдын I-чейрегинде 77 547 унция же 2 412 кг алтын сатылса, 2022-жылдын ушул эле маалында бул көрсөткүч 63 077 унция же 1 962 кг алтынды түзгөн.
Алтынды сатуудан түшкөн жалпы киреше $146.7 млн түзсө, 2022-жылдын ушул мезгилинде бул көрсөткүч $119.9 млн түзгөн.
Эске салсак, «Кумтөр» кенинде өндүрүлгөн Доре куймалары «Кыргызалтын» ААК тарабынан Кара-Балта шаарындагы аффинаждык заводдо андан ары кайра иштетүү үчүн сатылып алынат. Аффинаждалган алтынды жана күмүштү КРда жана анын чегинен тышкары сатуу боюнча өзгөчө укукка «Кыргызалтын» гана ээ.
