Кыргызстан менен Индия эки тараптуу кызматташтыгынын талкуулашты
2023-жылдын 30-майында Экономика жана коммерция министри Данияр Амангелдиев менен Индия Республикасынын Соода жана өнөр жай министри Пиюш Гоял мырзанын ортосунда видеоконференция болуп өттү. Бул тууралуу мекеменин маалымат кызматы билдирди.
Тараптар эки тараптуу кыргыз-индия кызматташтыгынын бир катар актуалдуу маселелерин талкуулап, акыркы жылдары өкмөттөр аралык деңгээлде да, эки өлкөнүн бизнес түзүмдөрү аркылуу да маанилүү иш-чаралар ийгиликтүү өткөнүн белгилешти.
Тараптар өз ара сооданы өнүктүрүүнүн динамикалык темптерин белгилешти, анын өнүгүшү үчүн потенциалы бар. Буга байланыштуу Тараптар электрондук коммерция, зергерчилик, товарлардын транзити жана аны илгерилетүү, жүктөрдү ташуу чыгымдарын азайтуу, ошондой эле ШКУ алкагында өз ара аракеттенүүнүн перспективалары жаатында кызматташууну өнүктүрүүнүн келечегин талкуулашты.
Тараптар ошондой эле Кытай-Кыргызстан-Өзбекстан темир жолун куруу сыяктуу стратегиялык долбоор боюнча Кытайда жетишилген макулдашууну талкуулашты, ал аймакты транспорттук туңгуюктан чыгарат жана Азиядан Европага жүк ташуу географиясын кеңейтет.
Министрлердин диалогу конструктивдүү маанайда, өз ара түшүнүшүү жана өз ара колдоо рухунда өттү.
