Статком: Кыргызстанда жашоо минимуму 8,7 миң сомду түздү
2025-жылдын үчүнчү кварталында Кыргызстанда адам башына эсептелген жашоо минимуму орточо эсеп менен 8 758,60 сомду түздү. Бул көрсөткүч өткөн жылдын ушул мезгилине салыштырмалуу 11%га жогорулаганын Улуттук статистика комитетинин сайтында жарыяланды.
Маалыматка ылайык, жашоо минимуму өлкөнүн бардык аймактарында өскөнү байкалды.
III кварталдагы аймактар боюнча жашоо минимуму (орто эсеп менен адам башына, айына сом менен)
Өкмөттүн 2009-жылдын 6-ноябрындагы №694 токтому менен бекитилген жашоо минимумунун түзүмүнө ылайык, андагы азык-түлүк товарларынын үлүшү 65%ды, азык-түлүк эмес товарлар - 16%ды, кызмат көрсөтүүлөр - 17%ды жана салыктар 2%ды түзөт. Азык-түлүк баштыгынын энергетикалык баалуулугу 2101 ккалды түзөт, ал эми анын химиялык курамы 73 грамм белокту жана 71 грамм майды камтыйт.
