Быйыл 9 айда ИДПнын көлөмү 1.240 трлн сомго жетти
2025-жылдын тогуз айында ички дүң продукциянын көлөмү 1,240 триллион сомго жетип 2024-жылдын ушул мезгилине салыштырмалуу 10 пайызга өскөнүн Улуттук статистикалык комитет билдирди.
Быйылкы жылдын январь-сентябрында керектөө бааларынын жана тарифтердин жалпы республика боюнча өсүшү 5,5 пайызды түздү. Тамак-аш азыктар жана алкоголсуз суусундуктар – 6,4%га, алкоголдук ичимдиктер жана тамеки – 5,1%га, азык-түлүк эмес азыктар – 3,3%га жана калкка көрсөтүлүүчү кызмат көрсөтүүлөрдүн тарифтери – 6,3%га жогорулаган.
Өлкөнүн тышкы жана өз ара соодасынын көлөмү 2025-жылдын январь-августунда 9 848,1 млн. доллларды түзүп, 2024-жылдын январь-августуна салыштырмалуу 9,1 пайызга төмөндөгөн. Мында экспорттук жөнөтүүлөр 23,7 пайызга, ал эми импорттук келип түшүүлөр 5,2 пайызгы азайган.
2025-жылдын январь-августунда ЕАЭБге мүчө мамлекеттер менен өз ара сооданын көлөмү 3 349,0 млн доллар болду жана республиканын өз ара соодасынын эң көп үлүшү Россияга (65,7 пайыз) жана Казакстанга (32,1 пайыз) туура келди.
