“Чайна Петроль Компани Джунда” компаниясы Кеминде ири станциясын ачты
Кыргызстанда көп жылдардан бери иштеп келе жаткан “Чайна Петроль Компани Джунда” ЖЧКсы 2024-жылы декабрь айында куруп баштаган Кеминдеги май куюучу станциясын ачты.
Бул “Джунда” тармагынын 5 миң чарчы метр аянтты ээлеген ири май куюучу жайларынын бири. Райондун “Жылтыр” участогунда жайгашкан заманбап май куюучу жай эми суткасына 24 саат бою кардарларды тейлөөгө даяр.
Бул аталган компаниянын иши убактылуу токтоп калган акыркы 5 жыл ичиндеги биринчи станция. Ал акыркы технологиялык стандарттар боюнча жабдылган жана сапат, коопсуздук жана экология талаптарына толук жооп берет. Бул “Чайна Петроль Компани Джунда” ЖЧКсынын 28-май куюучу станциясы.
Компания акыркы жылдарда Кыргызстанда ишенимдүү түрдө май куюуучу жайлардын санын көбөйтүп, күйүүчү майдын сапатын жогорулатып, кардарлары менен өнөктөштөрүнүн ыңгайлуулугу үчүн сервисти өнүктүрүп келе жатат.
