Соцфонд жаңы өзгөртүүлөрдү даярдоодо: пенсиялык топтомдор үчүн эмне өзгөрөт?

Пенсиялык топтомдорду төлөп берүү эрежелерине өзгөртүүлөрдү киргизүү тууралуу Министрлер Кабинетинин токтом долбоору коомдук талкууга чыгарылды. Документ Социалдык фонд тарабынан жүргүзүлүүчү төлөмдөрдүн тартибин тактоону сунуштайт.

Долбоорго ылайык, пенсиялык топтомдорду алууга укуктуу адамдардын чөйрөсү кеңейтилет: айрым учурларда алуучу катары камсыздандырылган адамдардын жубайлары да чыга алышат.

Көп жолку төлөмдөрдү жүргүзүү тартибин өзгөртүү, ошондой эле пенсиялык топтомдорду турак жай максаттарына — ипотекага, үлүштүк курулушка жана мамлекеттик турак жай программаларынын алкагында кийинки сатып алуу шарты менен ижарага алуу үчүн пайдаланууда талап кылынуучу документтердин тизмесин жаңылоо сунушталууда.

Эрежелердин айрым жоболору күчүн жоготту деп табылат, мындан тышкары коммерциялык банктардан, Бишкек жана Ош шаарларынын мэрияларынан, ошондой эле "ГИК" ААКысынан алынуучу каттарды камтыган жаңы ырастоочу документтердин формалары киргизилет. Ошондой эле жарандардын пенсиялык топтомдорду алуу үчүн кайра кайрылуу тартиби такталат.