Эмгекке жарамдуу адамдардын 60%ынын адистик билими жок
Кыргызстанда эмгекке жарамдуу адамдардын 60%ынын профессионалдык билими жок экенин Агартуу министрлигинин көз карандысыз сертификация жана валидация борборунун директору Жанар Шаматова билдирди.
Анын айтымында, борбордун иши формалдуу жана формалдуу эмес билим берүү жолу менен алынган адистиктер боюнча компетенцияларды жалпысынан жана ар башка ишмердүүлүк түрлөрү боюнча бышыктоо жана кабылдоого багытталган.
“Борбор жарандардын профессоналдык көндүмдорүн баалоо боюнча чоң иштерди жүргүзөт. Натыйжа көрсөткөндөй валидациядан (адистикке жарактуулугун текшерүү) өтүүнү каалаган талапкерлердин саны өсүп жатат. Иштеп жаткан адамдар карьералык тепкич боюнча өйдөлөөгө документ керек экен деп келип жатышат. Ошондой эле чет өлкөдө иштеп жана ошол жактагы жумушуна бекигиси келгендер да кайрылышат”, - дейт ал.
Буга улай Ж. Шаматова эки жыл ичинде валидация маселеси боюнча 1 миң адам кайрылып, анын 700ү процедураны ийгиликтүү өтүп кеткенин билдирди.
Валидация жүргүзүлүп жаткан негизги адистиктер – электр жабдыктарын оңдоочу слесарь (темир уста)-электрик, ашпозчу, шыбакчы, маляр, сантехник, мебелдик, жыгач уста чебери, автоунааларды оңдоочу слесарь, тигүүчү, токарь, бычмачы.
