КРнын газдаштыруу деңгээли 22%дан 42%га чейин жетти
Газпром Кыргызстан компаниясы Кыргызстанда өз ишмердүүлүгүн 2014-жылы баштаган кезде өлкөнү газдаштыруунун деңгээли 22 пайыз болсо, азыр 42 пайызга чейин жетти. Мындай маалыматты “Газпром Кыргызстан” компаниясынын экономика жана финансы бөлүмүнүн башчысы Арзымат Алдаяров Биринчи радионун түз эфиринде билдирди.
Анын айтымында, 54 калктуу пункт жана жаны конуштарга узундугу 1400 км газ түтүктөрү өткөрүлүп, 60 миң үйбүлөөгө газ берилген. Калктын саны көбөйгөнүнө байланыштуу, азыр КРнын абоненттеринин керектөөсү да көбөйүүдө.
“Мисалы 2014-жылы республика боюнча газды керектөө 209 млн m3 болсо, азыр эми 542 m3 болду, дээрлик 2 эсеге көбөйдү. Аткара турган жумуштун көлөмү чоң. 2024-жылы Бишкек шаарынын мэриясы менен биргеликте 3 жыл ичинде Бишкек шаарын толугу менен газдаштырып бүтөбүз деп, жол картасын кабыл алганбыз. Бирок Бишкек шаарына жаңы конуштар киргизилди. Ошондуктан 70 мин түтүн болсо, 50 миң түтүнгө газ берилди, дагы 20 мин түтүн калды.”
Алдаяровдун билдирүүсүнө караганда, ведостволор аралык комиссия түзүлгөн жана ал комиссия энергетиканы үнөмдөө жана экологияга тийип жаткан залакангы азайтуу үчүн турак жайларды газга өткөрүү тапшырмасын берген.
“Газга туташуу материалды кошо эсептегенде 35-40 мин сомго жакын кетет. Андан сырткары от казандарды коюш үчүн эң арзаны 25 000ден 50-60 миң сомго чейин керектелет. Баарын эсептегенде 80-100 минге жакын акча керектелип жатат. Тилекке каршы, кээ бир үйбүлөөлөр мындай каражаты жоктугуна байланыштуу убагында газ киргизе албай калышууда”.
“Газпром Кыргызстандын” өкүлүнүн айтымында, калкты газдаштыруу үчүн өкмөт тарабынан женилдетилген кредит берүү аракети каралган жана мындай жеңилдетилген кредитти, тийиштүү талаптарды эске алуу менен мамлекеттик банктар - “Айыл банк” менен “Эл банк” берип жатат.
