Балык чарбасынын кирешеси он айда 2 млн сомдон 11 млн сомго өстү
Бакыт Төрөбаевдин айтымында, министрликтин иши боюнча жүргүзүлгөн анализдин жүрүшүндө 27 негизги мамлекеттик кызматтын ичинен болгону үчөө гана толук автоматташтырылганы аныкталды.
Айыл чарба министрлигинин маалыматына ылайык, санариптештирүүдө лидерликти Балык чарба департаменти көрсөтүп, балык уулоо жана балык чарбаларын уюштуруу боюнча документтерди даярдоо толугу менен электрондук форматка өткөрүлгөн.
Ушундан улам министрлик бардык мамлекеттик кызматтарды талдап чыгып, ар бир багыт боюнча негизги процесстердин картасын түздү: кайсы кызмат толук автоматташтырылган, кайсы жерде маалыматтык системалар жарым-жартылай колдонулат, ал эми кайсы жерде фермерлер дагы деле кагаз папка көтөрүп кабинеттен кабинетке барууга мажбур.
"Мурда балык уулоо билетин сатуудан түшкөн жылдык киреше 2 млн сомдун тегерегинде болчу, эми 10 айдын ичинде 11 млн сомго жетти. Бул чоң жетишкендик", – деди Төрөбаев.
