Республикалык бюджет 500 млрд сомдон 800 млрд сомго өстү
Финансы министри Алмаз Бакетаев “Биринчи радионун” түз эфиринде республикалык бюджет жыл башында 500 млрд сом деп бекитилгенин, бирок азыр өзгөртүүлөр киргизилип 800 млрд сомдон ашканын билдирди.
Министрдин айтымында, мындай өсүш кирешелердин көбөйүүсү жана чыгашалардын оптималдаштырылышынын натыйжасы. “Бул — экономикалык өсүштүн жана финансылык туруктуулуктун көрүнүшү,” - деди ал.
Ал эми 3-декабрда Министрлер Кабинетинин жыйынында бюджеттеги өзгөртүүлөр жана кошумча маселелер карала турганы белгиленди.
Мындай бюджеттеги өсүү мамлекеттик программалар, социалдык жана инфраструктуралык долбоорлор үчүн кошумча ресурсту камсыздайт.
