Мамлекеттик камсыздандыруу уюму жыл башынан бери 127,6 млн сомдон ашык кенемте төлөдү
11 айда жарандарга жалпы 127 млн 653 миң сом кенемте төлөнгөнүн жана бул көрсөткүч мамлекеттик камсыздандыруу системасынын ишенимдүү жана туруктуу ишке ашып жатканынын белгиси экенин Мамлекеттик камсыздандыруу уюму билдирди.
Турак жайды өрттөн жана табигый кырсыктардан милдеттүү камсыздандыруу боюнча төлөмдөр:
- Жалпы учурлар: 236
- Төлөнгөн сумма: 30 млн 561 миң сом
- Өрт кырсыгына кабылгандар: 145 үй
- Өрт боюнча төлөм: 27 млн 580 миң сом.
Салыштырсак, 2024-жылы жалпы кенемте 69 млн 554 миң сом болгон. Бир жыл аралыгында төлөмдүн көлөмү дээрлик эки эсеге өскөн.
ОСАГО (автожарандык укукту милдеттүү камсыздандыруу) боюнча камсыздандыруу төлөмдөрү:
- Жол кырсыгына кабылган учурлардын саны: 758
- Жалпы төлөм: 71 млн 838 миң сом.
Мамлекеттик камсыздандыруу уюмунан белгилешкендей, камсыздандыруу күтүүсүз кырсыктардан кийинки чыгымдарды азайтууга жардам берет.
