Экономика

Кумтөрдүн алтын запасы түгөнүү коркунучундабы же?

Ишкер Media

04 янв. 2026 10:02

2026-жылдын 1-январынан бери интернет майданында “Кумтөр: геологдор коңгуроо кагууда” аталышындагы Кыргызстандын тоо-кенчилер жана геологдор ассоциациясынын башкармалыгынын төрагасы Дүйшөнбек Камчыбековдун билдирүүсү кызуу талкууга алынууда.

Анда Дүйшөнбек Камчыбеков Кумтөр кенин курчап турган системалуу көйгөйлөрдүн көбөйүшү тууралуу коомчулукка коңгуроо каккан. Анын пикиринде, Кыргызстандагы эң ири алтын кенинин учурдагы оң каржылык көрсөткүчтөрү айтылганы менен бир катар татаал маселелер жашырылууда:

1. Өндүрүш көлөмүнүн төмөндөшү.

2. Чыгымдардын өсүшү.

3. Ачык казып алуу үчүн чектелген резервдер.

4. Алтынды бөлүп алуу көрсөткүчтөрүнүн төмөндөшү.

5. Жер астындагы казып алуунун татаалдыгы жана баасы.

6. Калдыктарды сактоочу жайды иштетүүнүн тобокелдиктери.

7. Экологиялык тобокелдиктер.

8. Кесипкөй коомчулук үчүн маалыматтын купуялуулугу ж.б.

Адистин билдирүүсүнө караганда, Кумтөр кени мамлекеттин менчигине кайтарылгандан бери алтын өндүрүү көлөмү төмөндөп, өндүрүш 17 тоннадан жылына 11 тоннага же андан төмөнгө чейин түшүп кетиши мүмкүн. Демек, мындай болсо өндүрүш пландарын аткарбай калуу коркунучун жаратат. Айрым эксперттер муну запастардын азайышынын табигый кесепети деп эсептешсе, башкалары башкаруучулук, технологиялык жана стратегиялык кемчиликтерди белгилешет.

Ал эми расмий "Кумтөр Голд Компани" жабык акционердик коому 2025-жылдын 12 айындагы жыйынтыгы менен бөлүшүп жатып, өзүнүн өндүрүштүк ишмердүүлүгүнөн түшкөн таза кирешеси 59 млрд 286 млн сомду түзгөндүгүн билдирген. Компаниянын билдирүүсүнө караганда, 2025-жылдын аягына чейин алтын өндүрүүнүн көлөмү 12 тоннадан ашуусу күтүлмөк.

Мындан тышкары окуңуз

Бишкектеги Киев көчөсүнүн бир бөлүгү жабылат

“Бишкекжылуулуктармагы” муниципалдык ишканасы Киев көчөсү Исанов көчөсүнөн Тоголок Молдо көчөсүнө чейинки бөлүгү жабыла тургандыгын маалымдайт. Учурда ишкананын адистери тилкеде диаметри 89 мм жана 273 мм болгон жылуулук тармактарын алмаштыруу боюнча негизги иштерди аякташты. Иштерди этап-этабы менен оңдоп-түзөөнүн алкагында кийинки этап 27-июнда Киев жана Панфилов көчөлөрүнүн кесилишинде башталат.

Өлкө аймагында абанын табы 40 градуска жетери кабарланды

Өлкө аймагында 28–29-июнда абанын температурасы кескин жогорулайт. Бул тууралуу ӨКМдин басма сөз кызматы билдирди. Өзгөчө кырдаалдар министрлигинен билдиришкендей, Чүй, Ош, Жалал-Абад жана Баткен облустарында күндүзгү температура 35–40°ка чейин жетет. Мындай ысык аба ырайынын учурунда организмди бир калыпта кармаш учун жана күн өтүп кетүүдөн сактануу үчүн:

Ноокатта 5 социалдык имараттын курулушу башталды

Ноокат районунда беш жаңы социалдык объекттин курулушуна мезгил кутусу салынды. Бул тууралуу Президенттин Ош облусундагы өкүлчүлүгү билдирди. Курулуп жаткан имараттардын катарында Зулпуев айыл аймагындагы заманбап спорттук стадион, Кулатов айыл аймагындагы Апшыр-Ата орто мектеби, ошондой эле Эргешов жана Колдошев атындагы орто мектептер жана Уркуя Салиева атындагы тарыхый-маданий музей бар.

Ветеринардык көзөмөл посттору текшерилди

Баткен жана Ош облустарында мамлекеттик чек арадагы ветеринардык көзөмөл постторунун ишмердүүлүгү текшерилди. Бул тууралуу Айыл чарба министрлигинен билдиришти. Маалыматка ылайык, Ветеринария, мал чарбасын өнүктүрүү, жайыт жана тоют кызматынын директору А. Сотовалдиевдин иш сапарынын жүрүшүндө “Кызыл-Бел”, “Кызыл-Кыя” жана “Достук” мамлекеттик чек ара ветеринардык көзөмөл посттору, ошондой эле “Кара-Суу”