ЕАЭБ өлкөлөрү учактарды импорттоого карата бажы алымын нөлгө түшүрүштү

ЕАЭБ өлкөлөрү учактарды импорттоого карата бажы алымын нөлгө түшүрүштү

Евразия экономикалык биримдигине мүчө өлкөлөр Казакстандын сунушу менен учактарды импорттоого карата бажы алымын 12 жылга нөлгө түшүрүшкөнүн Казакстандын Соода министрлиги билдирди.

ЕАЭБге Армения, Беларусь, Казакстан, Кыргызстан жана Россия кирет. Бул өлкөлөр бирдиктүү бажы аймагын түзгөндүктөн, үчүнчү өлкөлөрдөн импорттолгон көпчүлүк товарларга бирдиктүү бажы алымдары колдонулат.

Буга чейин учактарды импорттоодо бажы алымы алардын бажы наркынын 7,5%дан 12,5%га чейин түзчү. Мурдагы жеңилдик 2031-жылдын аягына чейин гана жарактуу болчу.

Министрликте түшүндүрүшкөндөй, бул сунуш мультимодалдык транзиттик хабды өнүктүрүүгө байланыштуу жана жүк ташуучу учактарды импорттоодо бажы алымдарынан жана салыктардан бошотууну камтыйт. ЕАЭБге мүчө башка өлкөлөр да бул сунушту колдошкон жана жеңилдетилген режим 12 жыл бою колдонулат.

Министрликтин баалоосу боюнча, казакстандык жүк ташуучу компанияларга 130 жүк учагы керек.

Буга чейин Евразия экономикалык комиссиясы билдиргендей, сунуш учактардын эки категориясына тиешелүү:
  • бош абалдагы салмагы 20 тоннадан жогору, бирок 90 тоннадан ашпаган, эки өтмөгү бар кең фюзеляждуу, алыскы аралыкка учуучу учактар;
  • бош салмагы 20 тоннадан жогору, бирок 90 тоннадан ашпаган башка учактар.

20–90 тонна диапазонуна заманбап тар фюзеляждуу учактардын дээрлик баары кирет, анын ичинде Airbus A320жана Boeing 737 MAX.

Ошол эле учурда кең фюзеляждуу учактардын көбүнүн салмагы 90 тоннадан ашат (мисалы, Airbus A330-300, Airbus A380, Boeing 777-300ER, Boeing 787-9 Dreamliner жана башкалар).

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Транспорт

Акыркы жаңылыктар

Баары

24 жарандын 1,9 млн сом эмгек акысын бербей койгон эки шектүү кармалды

Кыргызстан менен Бразилия соода байланыштарын кеңейтүү боюнча талкуулашты

Көчө жарыктары күнгө жараша өчүп-күйүшү мүмкүн

Тобокелдикке багытталган көзөмөл: кандай иштейт жана артыкчылыгы эмнеде?

Сузактын Октябрь айылында жаңы кинотеатр жана эс алуу багы ачылды