Экономика министрлиги 2026-жылы 2 млн долларды региондорду өнүктүрүүгө жумшайт
Экономика жана коммерция министрлиги 2026-жылы Коомчулуктардын демилгелери боюнча улуттук долбоордун (КДУД)) алкагында 2 млн долларды өздөштүрүүнү пландап жатканын биринчи вице-министр Чоро Сейитов координациялык комитеттин жыйынында билдирди.
Анын айтымында, долбоор 2025-жылдын экинчи чейрегинде башталып, ушул кезге чейин 1 млн доллар өздөштүрүлгөн. Долбоорду Дүйнөлүк банк каржылайт, жалпы бюджети 27 млн долларды түзөт. Анын ичинен 25 млн доллар — 50 жылдык пайызсыз кредит, 2 млн доллар — гранттык каражат.
Долбоор өлкөнүн бардык аймактарындагы 40 айыл аймагын камтып, каржылоо негизинен айыл чарба, саламаттык сактоо, энергетика жана социалдык инфраструктура багыттарына багытталган. Ошондой эле климаттын өзгөрүшүнө ыңгайлашууга өзгөчө көңүл бурулат.
