Бишкекте карызкордон 15,8 млн сом алимент өндүрүлдү
Бишкек шаарынын Свердлов районунун сот аткаруучулар бөлүмү алимент өндүрүү боюнча соттун токтомун ишке ашырды.
И.А.Б. аттуу карызкорго каршы жүргүзүлгөн аткаруу иши алкагында сот аткаруучулар анын айлыгынан алимент өндүрүүнү камсыз кылышты. Күчөтүлгөн чаралардын натыйжасында 2022-жылдын 16-августунан тарта бүгүнкү күнгө чейин алимент толук көлөмдө өндүрүлдү.
Өндүрүлгөн алименттин жалпы суммасы 15 млн 843 миң 380 сомду түздү. Бул каражаттар толугу менен И.А.А.нын эсептик эсебине которулду.
Көрүлгөн чаралар жашы жете элек баланын укуктарын жана мыйзамдуу кызыкчылыктарын коргоону камсыз кылып, соттук чечимдердин милдеттүү түрдө аткарылышы принцибин тастыктады.
