2026-жылдын 11-февралында ЕАЭБде навигациялык пломбалар киргизилет
ЕАЭБ өлкөлөрүнүн ортосундагы жүк ташууларды навигациялык пломбалар менен көзөмөлдөө 2026-жылдын 11-февралында башталат. Мындай маалыматты КРнын Мамлекеттик бажы кызматы жарыялады.
Билдирүүгө караганда, 2025-жылдын 1-декабрынан баштап навигациялык пломбаларды колдонуу менен жүктөрдү көзөмөлдөөнүн пилоттук долбоору ишин баштаган. Ага ылайык, долбоор 2025-жылдын 1-декабрынан 2026-жылдын 15-январына чейин өткөрүлөт жана товарлардын бардык түрлөрү үчүн пломбаларды колдонуу ыктыярдуу жана акысыз. Пилоттук долбоорго катышуу үчүн ташуучулар Мамлекеттик салык кызматына же Кыргыз Республикасынын улуттук операторуна кайрылса болот.
Бүгүнкү күндө КРнын Улуттук оператору («МБИ» ААК) тарабынан эки жүк ташуучу унаага пломбаларды тагып, онлайн көзөмөлдөөнү баштады. Алар «Ак-Тилек» өткөрүү пунктунан казак-орус чек арасындагы «Сырым» өткөрмө пунктуна чейин барат, ал жерде пломбаны Казакстан Республикасынын Финансы министрлигинин карамагындагы Мамлекеттик кирешелер комитетинин кызматкерлери чечет.
Тараптардын макулдашуусуна ылайык, Кыргызстандан Казакстанга транзиттик жүктөрдү ташуулардын негизги багыттары Казакстан-Россия Федерациясынын чек арасындагы өткөрмө пункттары, ал эми Казакстан Республикасына гана жөнөтүлгөн жүк үчүн – Алматы шаарынын аймагы саналат. Ошондой эле, Кыргыз Республикасы багытына карата көзөмөлдөнүүчү каттамдар каралган, анда пломбаларды чечүүчү жер Бишкек шаарынын аймагы болот.
Пломбаны орнотууга милдеттүү түрдө - алкоголдук жана тамеки буюмдары (кийинчерээк башка товарлар этап-этабы менен) кирет. Ал эми пломбаны орнотуу 15 мүнөткө чейинки убактыка созулат. Анын натыйжасында аз текшерүү жана тезирээк жеткирүү камсыздалмакчы.
