Фитосанитардык талапка жооп бербеген 26, 978 тонна пияз чек арадан өткөрүлгөн жок
Өсүмдүктөрдү химиялаштыруу, коргоо жана карантини боюнча Ош башкармалыгы тарабынан фитосанитардык коопсуздукту камсыз кылуу максатында мамлекеттик чек арада фитосанитардык көзөмөл күчөтүлгөн тартипте жүргүзүлүп жатканын башкармалык билдирет.
Өткөн жуманын соңунда "Достук" көзөмөл өткөрүү пункту аркылуу Өзбекстантан Кыргызстанга ташылып келе жаткан 26 тонна 978 кг пияз тиешелүү фитосанитардык сертификаттын жоктугуна жана жүктүн белгиленген тартипте маркировкаланбагандыгына байланыштуу өлкө аймагына киргизилген жок.
Аталган жүк Ош башкармалыгынын адиси Махамадибрагим уулу Бексултан тарабынан текшерилип, фитосанитардык мыйзам бузуулар аныкталгандыктан, жүк ташуучу тарапка кайра кайтарылды.
