Тажикстан былтыр 11 айда Кыргызстанга экспортту 19 эсе көбөйткөн

Тажикстан Кыргызстанга экспорт көлөмүн 19 эсеге көбөйткөнүн Тажикстан Республикасынын Бажы кызматы маалымдады.

Маалыматка ылайык, 2024-жылы Кыргызстанга экспорттолгон товарлардын көлөмү болгону 475 миң долларды түзсө, ага чейинки жылы бул көрсөткүч 9 миллион долларга жеткен.

Кыргызстан Евразиялык экономикалык биримдикке мүчө мамлекеттердин ичинен Тажикстан менен жалпы чек арасы бар жалгыз өлкө болуп саналат. Эксперттердин айтымында, тынчтык келишими жана Түбөлүк достук жөнүндө декларацияга кол коюлгандан кийин эки өлкөнүн ортосундагы товар жүгүртүү туруктуу өскөн.

Жалпысынан алганда, 2025-жылдын 11 айында Тажикстан дүйнөнүн 124 өлкөсү менен соода-экономикалык алакаларды жүргүзгөн.