Кыргызстан менен Дүйнөлүк банк экономикалык кызматташтыкты күчөтөт
Бүгүн, экономика жана коммерция министри Бакыт Сыдыков Борбордук Азия өлкөлөрү боюнча Дүйнөлүк банктын регионалдык директору Наджи Бенхассин менен жолугушту. Бул тууралуу ведомстводон билдиришти.
Жолугушууда Кыргызстан менен Дүйнөлүк банктын ортосундагы кызматташтыктын учурдагы абалы жана аны мындан ары өнүктүрүү маселелери талкууланды. Министр өлкөдөгү экономикалык кырдаал тууралуу маалымат берип, акыркы жылдары негизги тармактарды колдоого алынган комплекстүү саясаттын аркасында экономика туруктуу өсүштү көрсөтүп жатканын белгиледи.
Ошондой эле эл аралык өнөктөштөрдүн катышуусунда ишке ашырылып жаткан долбоорлорго жана кызматташууну кеңейтүүгө өзгөчө көңүл бурулду. Өз кезегинде Наджи Бенхассин Дүйнөлүк банк кыргыз тарап менен өнөктөштүктү улантууга даяр экенин билдирип, экономикалык өсүштүн оң динамикасын белгиледи.
Жолугушуунун соңунда тараптар мурда жетишилген макулдашууларды ишке ашырууну улантууга даяр экенин билдиришти.
