Былтыр Кыргызстандын эл аралык резерви 8,6 млрд долларга жеткен
Бүгүн КРнын Улуттук банкынын эсептик чени тууралуу басма сөз жыйыны уюштурулуп, анын жүрүшүндө КРУБ төрагасынын орун басары Азат Козубеков өлкөнүн валюта рыногундагы абалы тууралуу кеңири маалымат берди.
Козубековдун айтымында, валюта рыногундагы абал туруктуу бойдон сакталып турат. Ал эми алмашуу курсу рыноктук шарттарды эске алуу менен ийкемдүүлүгүн көрсөтүүдө.
“2026-жылдын башына бери валюта сатуунун көлөму 134,05 млн АКШ долларын түздү, ал эми 2025-жылда 853 млн АКШ долларын түзгөн. Ушуну менен бирге КРУБ эл аралык резерви жогорулаган. 2025 жылдын аягында эл аралык резерв рекорддук 8,6 млрд АКШ долларын түздү, ал 2024-жылга салыштырмалуу 69,1% өстү”-дейт, төраганын орун басары.
Мындан сырткары 2025-жылдын жыйынтыгы боюнча Кыргызстанга которулуп келген акчанын таза агымы да, 2024-жылга салыштырмалуу 23% өскөн. Козубековдун айтымында, бул чаралар баалардын туруктуулугун сактоого багытталган.
