Экономика

Кыргызстан менен Азербайжандын ортосундагы товар жүгүртүү 10 млн долларга жетти

Ишкер Media

Кыргызстан менен Азербайжандын ортосундагы товар жүгүртүү 10 млн долларга жетти

2025-жылы Кыргызстан менен Азербайжандын ортосундагы товар жүгүртүүнүн көлөмү 10 млн долларга жеткенин Жогорку Кеңештин эл аралык иштер боюнча комитетинин жыйынында Кыргызстандын Азербайжандагы Атайын жана Ыйгарым укуктуу Элчиси Максат Мамытканов билдирди.

Жыйында өткөн жылдын жыйынтыгы боюнча аткарылган иштер тууралуу отчет угулду.

Депутаттар Кыргызстан жарандарынын Азербайжан жана Грузиядагы укуктарын жана кызыкчылыктарын коргоону күчөтүү зарыл деп эсептешип, ошондой эле саясий, соода-экономикалык жана маданий-гуманитардык байланыштарды кеңейтүүнү сунушташты.

Максат Мамыткановдун айтымында, Бишкек менен Баку Азербайжан–Кыргызстан өнүктүрүү фондунун ишмердүүлүгүн жандандыруу боюнча иштерди алып барууда.

Эл өкүлү Чолпон Эсенаманова оор жүк ташуучу унаалардын айдоочулары ага Азербайжандын аймагынан транзит менен өтүү учурунда негизсиз дооматтар коюлуп жатканына байланыштуу кайрылып жатканын айтып, бул маселеге көңүл бурууну дипломаттан суранды.
Жаңылыктар биздин Телеграмм каналда

Мындан тышкары окуңуз

Д.Трамп Түштүк Кореядан импорттолчу товарлардын бажы төлөмүн 25%га жогорулатты

Д.Трамп Түштүк Кореядан импорттолчу товарлардын бажы төлөмүн 25%га жогорулатты

Дональд Трамп Түштүк Кореядан импорттолгон товарларга болгон тарифтерди 25%га чейин жогорулатканын Truth Social социалдык тармагындагы баракчасына жазды. АКШ президенти Сеул өткөн жылы жетишилген соода келишиминин шарттарын аткарбай жатат деп айыптады. Дональд Трамптын айтымында, ал Түштүк Кореядан келген продукцияларга карата бажы төлөмдөрүн учурдагы 15%дан 25%га чейин көтөргөн. Бул
Манас районунда "Адис нан" ишканасы өндүрүшүн кеңейтүүдө

Манас районунда "Адис нан" ишканасы өндүрүшүн кеңейтүүдө

Талас облусунун Манас районунда учурда 5 ири өндүрүштүк ишкана иш алып барууда. Алардын бири "Адис нан" ишканасы. Ал учурда өндүрүш көлөмүн кеңейтүү багытында иштерди жүргүзүүдө. Бул тууралуу Айыл чарба министрлигинен билдиришти. Аталган ишкана 2023-жылы 150 чарчы метр аянтта ачылган. Бүгүнкү күндө ишкананын кошумча 3000 чарчы метр өндүрүштүк жайы
Быйыл өлкө боюнча дагы 20 миң видеокамера орнотулат

Быйыл өлкө боюнча дагы 20 миң видеокамера орнотулат

2025-жылдын ичинде коомдук коопсуздук камералары 6 миңден ашык укук бузууну аныктаганын "Биринчи радио" эфиринде ИИМдин коомдук коопсуздук кызматынын башчысынын орун басары Алмаз Батырбаев билдирди. "Бүгүнкү күндө республика боюнча коомдук жайларда 3 миңден ашык видеокөзөмөл камерасы иштеп жатат. Ар бир аныкталган факт боюнча маалымат мыйзам чегинде чара көрүү
Соцфонддун бюджети 2027-жылы 144 млрд сом болот деп божомолдонду

Соцфонддун бюджети 2027-жылы 144 млрд сом болот деп божомолдонду

Социалдык фонддун 2027–2028-жылдарга орто мөөнөттүү бюджетинде туруктуулукка карай багыт байкалат: кирешелер менен чыгашалар өсүп жаткан шартта, алардын ИДПдагы үлүшү бара-бара азайып, ал эми тартыштык эң төмөнкү деңгээлге чейин кыскарышы күтүлүп жатат. Мындай жыйынтыкты Социалдык фонддун бюджети жөнүндө мыйзамга тиркелген маалыматтардын негизинде чыгарууга болот. Аталган документ 2026-жылдын 16-январында кабыл алынган.