Экономика

Мамлекеттик жөлөк пул берүүнүн жаңы тартиптери талкууга коюлду

Ишкер Media

27 янв. 2026 11:54

Үй-бүлөлөргө социалдык колдоону кеңейтүүгө жана жөлөкпулдарды дайындоодо мүлктүк тоскоолдуктарды жоюуга багытталган "Мамлекеттик жөлөкпулдар жөнүндө" мыйзамга өзгөртүүлөрдү киргизүү боюнча мыйзам долбоору коомдук талкууга коюлду.

Документтеги негизги сунуштардын бири — бийик тоолуу райондордо жашаган, үчүнчү же андан кийинки баласы 2026-жылдын 1-январына чейин төрөлгөн жана азыркы учурда 3 жашка чыга элек үй-бүлөлөргө жөлөкпул берүүнү карайт. Долбоордун авторлорунун айтымында, бул чара бийик тоолуу аймактардын бардык жашоочулары үчүн тең шарттарды калыбына келтирүүгө мүмкүндүк берет.

Ошондой эле долбоор муктаждыкты аныктоодо "мүлктүк текшерүүлөрдөн" толугу менен баш тартууну сунуштайт. Башкача айтканда, тиричилик техникасы, мал-жан, транспорт каражаттары же башка мүлк жөлөкпул алууга таасир этпейт. Негизги критерий катары үй-бүлөнүн жыйынды кирешеси гана эсептелет.

Өзүнчө норма менен "Баатыр эне" наамын алган энелерге ай сайын 5 миң сом өлчөмүндө кошумча төлөм каралган. Расмий маалыматтарга ылайык, өлкөдө мындай наамга ээ болгон 31 миңден ашуун аял бар.

Мындан тышкары, мыйзам долбоору универсалдуулук принципти киргизет: жөлөкпул 12 жашка чейинки балдары бар бардык жарандарга (үй-бүлөлөргө) дайындалат, ал эми үй-бүлө муктаж деп табылган учурда — балдар 16 жашка чыкканга чейин төлөнөт.

Мыйзам долбоору коомдук талкуу үчүн Жогорку Кеңештин расмий сайтына жайгаштырылды. Коомдук талкуу аяктагандан кийин документ парламенттин кароосуна жөнөтүлөт.

Мындан тышкары окуңуз

Оор жүк ташуучу унааларга каршы рейдде 3,5 млн сом айып пул салынды

Өлкөдө оор жүк ташуучу унааларга каршы жүргүзүлгөн рейддин жыйынтыгында жүздөгөн мыйзам бузуу фактылары аныкталды. Бул тууралуу Транспорт жана коммуникациялар министрлигинен билдиришти. Жерде жүрүүчү жана суу транспорту департаменти тарабынан өлкө аймагында жүк ташуучу автоунааларга карата бир айлык рейддик иш-чара өткөрүлдү. Иш-чара 19-февралдан 13-мартка чейин Жол коопсуздугун камсыздоо башкы башкармалыгы менен биргеликте

Быйыл 28 миңдей унаа камсыздандырылып, 50 млн 628 миң сом кенемте төлөнүп берилди

Транспорт каражаттарынын ээлеринин жарандык-укуктук жоопкерчилигин милдеттүү камсыздандыруу (ОСАГО) системасы, анын алкагында төлөнүп жаткан каражаттар жана аймактардагы сандык көрсөткүчтөр тууралуу “Кабар” агенттигине Мамлекеттик камсыздандыруу уюмунун төрагасынын орун басары Закир Айдаралиев маалымат берди. Анын айтымында, 2026-жылдын башынан 13-мартка чейин 28 миңге жакын айдоочу унаасын камсыздандырып, ОСАГО полисин алган. Бул 1,56%ды

Кыргызстанда күйүүчү май тартыштыгы болобу? Нефтетрейдерлерге талаптар коюлду

Күн мурун Монополияга каршы жөнгө салуу кызматы тарабынан Кыргызстандын нефтетрейдерлери менен жумушчу жолугушуу өткөрүлдү. Ага тармактагы ассоциациялар жана бир катар ири мунай компанияларынын өкүлдөрү катышты. Бул тууралуу Монополияга каршы жөнгө салуу кызматынан билдиришти. Жолугушууда калкты күйүүчү-майлоочу материалдар менен туруктуу камсыз кылуу жана бааларды көзөмөлдөө маселелери талкууланды. Нефтетрейдерлердин маалыматына ылайык, учурда

Бишкек мэриясы миңдеген үлүшчүлөргө техпаспорт берүү жолун тапты

Бишкек шаарында үлүштүк курулуштун катышуучулары үчүн техпаспортторду тариздөө жана келишимдерди каттоо боюнча убактылуу эрежелер киргизилерин шаар мэриясы билдирди. 2026-жылдын 12-мартындагы тескеме муниципалдык жер тилкелеринде курулган көп кабаттуу үйлөрдөгү үлүшчүлөрдүн көйгөйлөрүн чечүүгө багытталган. Документ Кыргыз Республикасынын президентинин турак жайга болгон укуктарды каттоо маселелерин жөнгө салуу боюнча тапшырмасын аткаруу максатында кабыл алынган.