Улуттук банк эсептик ченди 11%да калтырды
Улуттук банк башкармалыгы 26-январда эсептик ченди 11% деңгээлинде калтыруу чечимин кабыл алды жана ал бүгүн, 27-январдан тартып күчүнө кирет.
Өлкө экономикасында жогору өсүш арымы сакталып турат: 2025-жыл жыйынтыгы боюнча өлкөдө реалдуу ИДӨ 11,1%га өскөн. Экономикалык өсүш, негизинен, курулуш секторунун жана кызмат көрсөтүү чөйрөсүнүн таасири астында шартталган.
Улуттук банктын акча-кредит саясатынын негизги артыкчылыгы болуп орто мөөнөттүү мезгилде инфляциянын 5-7 пайыздык максаттуу көрсөткүч чегинде калыптанышын камсыз кылуу саналат, ушуга байланыштуу орточо күчөтүлгөн күндөлүк монетардык шарттар сакталып жатат.
Ички экономикада инфляциялык процесстер олуттуу деңгээлде монетардык эмес мүнөздөгү факторлор, анын ичинде план чегинде жөнгө салынуучу тарифтерди корректировкалоо жана жогору ички суроо-талап менен шартталган. Бул факторлор инфляциянын басаңдоосу үчүн туруктуу шарттар калыптанганга чейин учурдагы акча-кредиттик шарттарды колдоо зарылдыгын шарттоодо. Ушуга байланыштуу Улуттук банктын эсептик чен өлчөмү 11,00% деңгээлинде калтырылды.
Белгиленгендей, Улуттук банк башкармалыгынын эсептик чен өлчөмү маселеси боюнча кийинки пландык отуруму 2026-жылдын 23-февралында өткөрүлөт
