Экономика

ЕАЭБде электрондук соода үчүн улуттан жогорку эрежелер даярдалып жатат

Ишкер Media

01 февр. 2026 15:44

Евразиялык экономикалык биримдикте (ЕАЭБ) электрондук сооданы жөнгө салуучу улуттан жогорку нормативдик актыларды иштеп чыгуу пландалууда. Бул тууралуу радионун түз эфиринде Экономика жана коммерция министрлигинин ЕАЭБди координациялоо башкармалыгынын интеграцияны өнүктүрүү секторунун башчысы Каниет Насирдинов билдирди.

Анын айтымында, өткөн жылы маркетплейстерде иш алып барган сатуучулар бир катар көйгөйлөргө туш болушкан. Айрыкча, товарды алуучуларга байланыштуу маселелер жана кошумча нарк салыгын (КНС) төлөө боюнча суроолор жаралган.

2026-жылы ЕАЭБ алкагында электрондук соода аянтчаларынын ишмердүүлүгүн жөнгө салуучу улуттан жогорку документтерди даярдоо боюнча ири масштабдагы иштер пландалууда.

Министрликтин өкүлү белгилегендей, учурда ири маркетплейстерди салыктык резидент болууга милдеттендирүү жана товарларды сатууда КНСти өз алдынча төлөп берүүсүн камсыз кылган нормаларды киргизүү маселеси талкууланууда. Тиешелүү актыларга кол коюу 2026-жылдын аягына — 2027-жылдын башына пландалууда.

Алдын ала маалыматтарга ылайык, КНС товар сатып алуучу тарабынан иш жүзүндө алынган учурда электрондук соода аянтчасы тарабынан төлөнөт. Насирдиновдун айтымында, бул чаралар чек аралык электрондук соодадагы салык салууга байланыштуу учурдагы көйгөйлөрдү жоюуга жана биримдиктин ичинде эсеп-кысап иштерин тартипке салууга мүмкүнчүлүк берет.

Мындан тышкары окуңуз

Ишкерлерди тейлөө борборуна АӨБдөн 1 млн субгрант алынат

МинКаб "Ишкерлерди тейлөө борборун өнүктүрүү" долбоорунун алкагында иш-чараларды ишке ашыруу үчүн Азия өнүктүрүү банкы менен субгранттык макулдашуунун долбоорун жактырды. Тиешелүү тескеме 2025-жылдын 30-декабрында № 1170-т менен кабыл алынды. Документке ылайык, Финансы министри макулдашууну принципиалдуу эмес мүнөздөгү өзгөртүүлөрдү жана толуктоолорду киргизүү укугу менен кол коюуга ыйгарым укуктуу. Макулдашуунун долбооруна ылайык,

2026-жылы Бишкек шаарында жаңы 20 мектеп салынат

КРнын Президенти Садыр Жапаровдун тапшырмасына ылайык, 2026-жылы Бишкек шаары боюнча жаңы 20 мектеп салынат. Мындай билдирүүнү Курулуш, архитектура жана турак жай-коммуналдык чарба министрлигинен кабарлашты. Кече, 31-январда Курулуш, архитектура жана турак жай-коммуналдык чарба министри Нурдан Орунтаев тиешелүү департаменттин жетекчилери менен борбор калаада курула турган 20 мектептин долбоору жана курулуш аянттары менен

Ысык-Көлдө ири нефрит ташынын ачылышы болду

Ысык-Көл облусундагы Чоң-Кызыл суу капчыгайында ири нефрит кенинин ачылышы болуп өттү. Салмагы 180 тоннадан ашкан уникалдуу нефрит ташы табылгандыгы тууралуу 2013-2014-жылдары эле маалымдаган. Бирок баалуу таштын уурдалып кетүү коркунучунан улам көп убакыт бою жер астында жашырылып келген. Бүгүн аталган нефрит таштын ачылыш аземи “Ак илбирс” кышкы фестивали менен биргеликте, жергиликтүү

Кытайда телекоммуникациялык алдамчылык кылгандар өлүм жазасына тартылышты

Кытайда Мьянманын түндүгүндө иш алып барган жана телекоммуникация тармагындагы ири алдамчылык схемаларына тиешеси бар кылмыштуу топтордун 11 мүчөсүнө карата чыгарылган өлүм жазасы аткарылганын "Синьхуа" агенттиги билдирди. Маалыматка ылайык, бул Мьянмадагы скам-борборлордун ишмердүүлүгүнө байланыштуу иш боюнча Кытайда өлүм жазасы биринчи жолу аткарылып жатат. Өкүм 2025-жылдын сентябрь айында Чжэцзян провинциясына