ӨКМ суучулдарынын, токойчулардын, "Кыргызгидромет" кызматкерлеринин маянасы жогорулады
Президенттин тапшырмасы боюнча Өзгөчө кырдаалдар министрлигинин суучулдарынын айлык акысы көтөрүлгөнүн Бишкекте маалымат жыйында министрликтин орун басары Азамат Мамбетoв билдирди.
Суучулдарга 20 000 сом өлчөмүндө кошумча акы белгиленди. Мурда алар болжол менен 30 000 сом алышса, эми айлык акысы 50–60 000 сом болот. Мамбетoвдун айтымында, бул чек эмес — күзгө чейин кызматкерлердин көпчүлүгү үчүн кошумча жогорулатуу пландалууда. Учурда бул маселе Финансы министрлиги менен каралууда.
Андан тышкары, айлык акы төмөнкү кызматкерлер үчүн да көтөрүлөт:
- Кыргызгидрометтин кызматкерлери;
- техникалык жана кичик кызмат көрсөтүүчү персонал;
- 2026‑жылы пландалган жогорулатуу: токойчулар жана Материалдык резервдер фондунун кызматкерлери.
- ӨКМдин аскер кызматкерлеринин айлыгы 2025‑жылы жогорулатылган. Азыр жаңы кызматка келген жөнөкөй лейтенант же прапорщик 50 000 сомдон жогору айлык алышат, кызматтык даражасына жараша.
Токойчулар жер-жерлерде 20–30 000 сом айлык алышат. Өткөн жылы аларга атайын кошумча төлөм берилген, ал эми 2025‑жылы өкмөт атайын эсепти көбөйтүү чечимин кабыл алып, мыкты кызматкерлерге сыйлыктарды төлөө мүмкүнчүлүгү түзүлгөн. 2026‑жылы бул төлөмдөр дагы көбөйтүлөт.
