Былтыр Кыргызстанда жүзүмзарлар аянты 225 гектарга көбөйгөн
Кыргызстанда жүзүмзарлардын аянты өсүп жатканын Суу, айыл чарба министрлиги маалымдады.
2025-жылдын жыйынтыгы боюнча жүзүмзарлардын жалпы аянты 2 870 гектарды түздү. Бул көрсөткүч 2024-жылга салыштырмалуу 225 гектарга көп. Жалпы түшүм 5 990,1 тоннаны түзүп, орточо түшүмдүүлүк гектарына 20,5 центнер болду.
Тармакты өнүктүрүү максатында Сербиядан жүзүм көчөттөрү алынып келинди. Алар карантиндик фитосанитардык текшерүүдөн өткөрүлүп, вируссуз жана техникалык сорттору тандалып алынган.
Мындан тышкары, Лейлек районундагы Жаңы-Жер айыл аймагында жүзүмчүлүктү өнүктүрүү боюнча демилгелер ишке ашырылып жатат. Кооперативдер "аватар" жана "кишмиш" сортторунун көчөттөрүн өстүрүшүүдө. Ошондой эле "аватар", "маникюр фингер" жана "кишмиш" сортторунун көчөттөрүн өндүрүүгө адистешкен жаңы питомник уюштурулуп жатат.
