"Түндүк" ААКсы жабдууларды жеткирүү боюнча 122,5 млн сомдук келишим түздү
"Түндүк" ААКы 122,5 млн сомдук ири келишимди түз келишим ыкмасы менен түзгөнүн Кыргыз фондулук биржа таратты. Ага ылайык, 2026-жылдын 12-февралында компания жабдууларды жеткирүү боюнча 122 млн 500 миң сом суммасында келишим түзгөн.
Келишим боюнча "Алтын Эмгек" ЖЧКсы контраген болуп саналат.
Келишим түзүүгө негиз катары "Түндүк" ААКы ишканасынын жалгыз акционери — Санариптик өнүгүү жана инновациялык технологиялар министринин атынан — 2026-жылдын 10-февралындагы №9 чечими көрсөтүлгөн.
Юстиция министрлигинин маалыматына ылайык, "Алтын Эмгек" ЖЧКсы ишканасынын жетекчиси жана негиздөөчүсү — Абдымомун Турдалиев. Ишмердүүлүк багыты — адистештирилбеген дүң соода. Компания 2022-жылдын 22-декабрында катталган.
"Түндүк" ААКсы — мамлекеттик кызматтарды жөнөкөйлөтүү жана ылдамдатуу максатында түзүлгөн Кыргызстандын улуттук санариптик платформасы. Компания бир катар мамлекеттик түзүмдөрдүн функцияларын бириктирип, өлкөдөгү негизги тармактарды санариптештирүүгө жооп берет.
