“Агродиалог-2026”: Эмир Жаманбаев 1 гектардан 80 тоннадай дарбыз алган
Бүгүн Бишкекте өтүп жаткан “Агродиалог 2026” форумунда Ысык-Көл районунун Боз-Тери айылынын тургуну Эмир Жаманбаев 1 гектар жерге дарбыздын поларис жана гибриддик визирь сортун эгип, жакшы түшүм алганын билдирди.
“Ысык-Көлдө жай кыска болгондуктан биз тунук целлофан пленкалары менен тамчылатып сугаруу системасын колдондук. Целлофан нымдуулукту сактап, отоо чөптөрдүн өсүүсүнө жол бербесе, тамчылатып сугаруу дарбыздын эрте жетилишине шарт түзөт. Ошону менен биз мол түшүмүбүздү эрте жыйнап сата алдык. Кадимки шартта дарбыз өстүргөндөр гектарынан 20-30 тонна түшүм алса, биз колдонгондой технология менен гектарынан 60-80 тонна түшүм алса болот”,-дейт ал.
