Кыргызстанда былтыр үй канаттуулары 8,6 миллионго жетти
2025-жылы Кыргызстанда үй канаттууларынын саны 8,6 миллионго жеткенин Улуттук статистика комитети билдирди.
2025-жылдын аягында:
- Ири мүйүздүү мал — 1 млн 859 миң баш (өсүш 1,7%), анын ичинде уйлар — 934 миң 881 баш (өсүш 1,8%).
- Кой жана эчки — 6 млн 331,6 миң баш (өсүш 0,8%). Анын 71%ы — туут мал.
- Жылкы — 565 миң 971 баш (өсүш 2,3%).
- Үй канаттуулары — 8 млн 650 миң баш (өсүш 11,9%).
- Топоз — 66 миң 858 баш (өсүш 8,2%).
- Чочко — 27 миң 274 баш (өсүш 2,4%).
Мындан тышкары, чарбаларда 23 миң 751 эшек, 11 миң 290 коён жана 217 төө бар.
Үй канаттууларынын эң көп саны Чүй облусунда топтолгон — жалпы көрсөткүчтүн болжол менен 40%ы. Андан кийин Жалал-Абад облусу жана Ош облусу турат.
Ири мүйүздүү малдын көбү Ош (22%), Жалал-Абад (21%) жана Чүй (17%) облустарында.
Кой жана эчки боюнча лидерлер — Жалал-Абад (22,5%), Нарын облусу (17,7%) жана Ош (17,3%). Чүй облусунда алардын саны 4,6%га өскөн, ал эми Нарын облусунда 0,8%га кыскарган.
Нарын облусу жылкы (жалпы санынан 26,3%) жана топоз (47,1%) багуу боюнча лидерлигин сактап калды.
Өзүнчө жайгашкан объектилерде ( кыштоолордо) малдын олуттуу бөлүгү кармалат. Жалпы чочколордун 57%ы, үй канаттууларынын 45%ы жана жылкылардын болжол менен 18%ы ушундай жайларда багылат.
