Экономика

Кыргызстан менен JICA ишкерликти колдоо боюнча кызматташууну талкуулады

Айгерим Качкынбекова

04 мар. 2026 17:00

Кечээ Экономика жана коммерция министрлигинде экономика жана коммерция министринин орун басары Беназир Нурланова Жапониянын финансылык институттарынын жана Жапониянын эл аралык кызматташтык агенттигинин (JICA) өкүлдөрү менен жолугушту. Бул тууралуу ведомстводон билдиришти.

Жолугушууда тараптар чакан жана орто ишкердикти мамлекеттик колдоо саясаты, бизнести каржылык колдоо механизмдерин өнүктүрүү жана ишкерлердин кредиттик ресурстарга жетүүсүн кеңейтүү маселелерин талкуулашты. Ошондой эле бул багытта Кыргыз Республикасынын Кепилдик фондунун ролуна өзгөчө көңүл бурулду.

Кыргыз тарап жолугушуунун катышуучуларына чакан жана орто ишкердикти колдоо жана өнүктүрүү боюнча 2030-жылга чейинки программаны иштеп чыгуу боюнча жүргүзүлүп жаткан иштер тууралуу маалымат берди. Бул программа ишкердик жүргүзүү шарттарын жакшыртууга жана ишкерлердин финансылык ресурстарга жетүүсүн кеңейтүүгө багытталган.

Жапон тарап өз кезегинде Жапониядагы кредиттик кепилдиктер системасынын иштөө тажрыйбасы менен бөлүшүп, анын чакан жана орто бизнестин банктык каржылоого жетүүсүн камсыз кылууда маанилүү роль ойной турганын белгиледи. Айрыкча бул система жаңы баштаган ишкерлер жана жетиштүү күрөө камсыздоосу жок компаниялар үчүн маанилүү экени айтылды.

Жолугушуунун жыйынтыгында тараптар чакан жана орто бизнести колдоо чөйрөсүндө кызматташууну мындан ары да өнүктүрүүгө жана тажрыйба алмашууга кызыкдар экендиктерин билдиришти.

Мындан тышкары окуңуз

Кыргызстанда калктын кирешесинин 47%ы калктын эң бай 20%ынын колунда

2025-жылдын жыйынтыгы боюнча Кыргызстанда мүлктүк теңсиздик жогору бойдон калууда. Улуттук статистикалык комитеттин бюллетенине ылайык, калктын жалпы акчалай кирешесинин 47%ы эң камсыз болгон 20% жарандардын колунда топтолгон. Экономикада бул көрсөткүч квинтилдик коэффициент деп аталат. Ал коомдогу социалдык теңсиздиктин деңгээлин көрсөтөт. Калктын бештен бири дээрлик бардык каражаттын жарымына ээ болушу капиталдын

Бишкекте ЭМУнун “1+1” пилоттук программасынын жыйынтыктары чыгарылды

Бүгүн Бишкек шаарында “Жергиликтүү өнүгүүнү жана миграция мүмкүнчүлүктөрүн бекемдөө: “1+1” шайкеш гранттар программасы жана дипломатиялык платформа” аттуу иш-чара өтүп, коопсуз жана мыйзамдуу миграция жолдорун кеңейтүү, ошондой эле жергиликтүү коомчулуктардын өнүгүүсүнө багытталган долбоорлордун жыйынтыктары сунушталды. Иш-чаранын жүрүшүндө Эл аралык миграция уюму (ЭМУ/МОМ) ишке ашырып жаткан “1+1” пилоттукпрограммасынын жыйынтыктары,

Жакынкы Чыгыштан 2200дөй кыргызстандык эвакуация кылууну суранган

4-мартта Жогорку Кеңештин жыйынында тышкы иштер министринин орун басары Алмаз Имангазиев Жакынкы Чыгыш өлкөлөрүнөн эвакуациялоо өтүнүчү менен дипломатиялык өкүлчүлүктөргө болжол менен 2200 кыргызстандык кайрылганын билдирди. Бириккен Араб Эмираттары БАЭден эң көп кайрылуулар түшкөн жана бул жакта болжол менен 10 миңге жакын кыргызстандык бар. Алардын ичинен 1200 адам эвакуация сураган. Көпчүлүгү

Жыл башынан бери тоо-кен тармагында 20 лицензия берилди

Жыл башынан бери 20 компаниянын лицензия алуу боюнча арыздары каралып, канааттандырылды. Бул тууралуу Жаратылыш ресурстары, экология жана техникалык көзөмөл министрлигинен билдиришти. Маалыматка ылайык, берилген лицензиялардын ичинен 12си көмүр, 3ү мунай жана газ, 3ү алтын, ал эми 2си курулуш материалдары (неруддук материалдар) боюнча берилген. Белгиленгендей, кабыл алынган чечимдер тоо-кен тармагын өнүктүрүүгө