Депутат 4,6 миң кыргыз жүк ташуучуларынын кызыкчылыктарын коргоону демилгеледи
Жогорку Кеңештин депутаты Илимбек Кубанычбеков пленардык жыйында билдиргендей, учурда болжол менен 4,6 миң айдоочу жүк ташуучу болуп иштеп, Кытай — Кыргызстан багыты боюнча фуралар менен жүк ташышат.
Анын айтымында, Өзбекстан тараптан уруксат кагаздары жоюлгандан кийин чет өлкөлүк фуралар чек арадан алым-төлөмдөрдү төлөбөстөн өтө баштаган.
Депутат мындай жагдай ата мекендик жүк ташуучулардын ишине жана алардын материалдык абалына терс таасирин тийгизиши мүмкүн экенин белгиледи.
"Алардын кредиттери бар. Ошол эле учурда өлкөнүн экономикасына чоң салым кошушат. Азыр алардын көбү жумушсуз калышы мүмкүн. Ошондуктан бул маселени ыкчам чечип, кыргыз жүк ташуучуларды колдоо керек. Транспорт министрлиги биздин жүк ташуучуларды колдошу зарыл", — деди Илимбек Кубанычбеков.
