Кыргызстан Иранга 129 тонна гуманитардык жүк жөнөттү
Президент Садыр Жапаровдын тапшырмасы боюнча Өзгөчө кырдаалдар министрлиги Тышкы иштер министрлиги менен биргеликте Иранга жалпы салмагы 129 тонна болгон гуманитардык жүк жөнөтүүдө.
ӨКМ билдиргендей, анын ичинде:
- 66 тонна азык-түлүк (ун, эт консервалары жана өсүмдүк майы),
- 63 тонна дары-дармек бар.
Жүк ӨКМдин жети оор жүк ташуучу унаасынан турган колоннага жүктөлдү.
Гуманитардык жардамды иран тарапка өткөрүп берүү Акылбек Кылычевдин катышуусунда ишке ашат.
