Германиядан Кыргызстанга келген туристтердин саны 30 миңге жакындады
Германиядан Кыргызстанга келген туристтердин саны өсүп, дээрлик 30 миңге жеткенин Жогорку Кеңештин комитет жыйынында Кыргызстандын Германиядагы элчиси Өмүрбек Текебаев билдирди.
Анын айтымында, акырык 3-4 жыл аралыгында эки өлкөнүн ортосунда саясий багыттагы иштер бир кыйла жакшырган.
“Жогорку деңгээлде, президенттин, өкмөт башчысынын жана мүчөлөрүнүн, Тышкы иштер министрлигинин деңгээлинде сапарлары байма-бай уюштурулууда. Бизнес-делегациялар жылына жок дегенде экиден кем эмес келип жатат. Бизнес форумдар да өтүп жатат. Кыргызстанга келген туристтердин саны 30 миңге жетип, дээрлик эки эсеге өстү. Германияга барып окуп, иштейбиз деген жаштардын саны да кыйла көбөйдү. Ал эми Польшага кирүү жеңил болгондуктан, ал жактагы кыргыз жаштарынын агымы он эсе өскөнү байкалыптыр”,-деп белгиледи ал.
