Эко Оператор: Кыргызстанда калдыктардын 24 товардык тобунун 16сы гана кайра иштетилет

Эко Оператор: Кыргызстанда калдыктардын 24 товардык тобунун 16сы гана кайра иштетилет

Кыргызстанда бүгүнкү күндө калдыктардын 24 товардык тобунун ичинен 16сы боюнча кайра иштетүү жолго коюлган, ал эми калган багыттар боюнча кайра иштетүүчү ишканалар жок. Бул тууралуу Жаратылыш ресурстары, экология жана техникалык көзөмөл министрлигине караштуу "Эко Оператор" МИсинин директору Асель Мамбетова радионун эфиринде билдирди.

Анын айтымында, ишкана министрликтин өкүлдөрү, калдыктарды кайра иштетүүчүлөр жана сорттоочулар катышкан жыйын өткөрүп, анда тармактагы учурдагы көйгөйлөр жана сунуштар талкууланган.

Ал белгилегендей, өлкөдө мыйзамдуу жана мыйзамсыз таштанды полигондору маселеси дагы эле курч бойдон калууда. Ошол эле учурда калдыктардын олуттуу бөлүгүн кайра иштетүүгө мүмкүн.

"Бул таштанды жайларында негизинен экинчи өмүр берүүгө боло турган товарлар бар — аларды өрттөп же жок кылбай, кайра иштетсе болот", — деди Мамбетова.

Мыйзамга ылайык, өлкөдө өндүрүүчүлөрдүн кеңейтилген жоопкерчилиги механизми жана утилизациялык жыйым иштейт. Ишкананын маалыматына караганда, жөнгө салууга 24 товардык топ жана 380ден ашык продукция түрү кирет. Алардын ичинде таңгактар, дөңгөлөктөр, тиричилик техникасы жана майлар бар.

Ошол эле учурда айрым багыттар боюнча, анын ичинде тиричилик техникасы жана электроника боюнча, тиешелүү ишканалар жок болгондуктан кайра иштетүү жүргүзүлбөйт.

Мамбетова билдиргендей, кайра иштетүүчүлөрдөн түшкөн сунуштар бул тармактарда жаңы долбоорлорду ишке киргизүү үчүн каралып жатат. Каржылоо утилизациялык жыйымдардын эсебинен жүргүзүлөт.

"Азыркы учурда 2025-жылдын январынан бери болжол менен 160 млн сом жыйналды. Бул каражаттар импорттоочулар менен өндүрүүчүлөрдүн төлөмдөрүнүн эсебинен түзүлөт", — деп тактады ал.
Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Экономика

Акыркы жаңылыктар

Баары

Ысык-Көлдө 1000ден ашык жаранга акысыз медициналык консультациялар берилди

Самарканд марафонуна 70тен ашык өлкөнүн өкүлдөрү катышууда

Жарандык авиация агенттиги C5+1 конференциясына катышты

Москва районунда ишке ашырылып жаткан инвестициялык долбоорлор аталды

Токмокто 5 жылда 28 социалдык объект пайдаланууга берилген