Адылбек Касымалиев Евразия турукташтыруу фондунун жетекчиси менен жолукту
Министрлер Кабинетинин төрагасы Адылбек Касымалиев Евразия турукташтыруу жана өнүктүрүү фондунун башкаруучу директору Ярослав Мандрон менен жолугушту. Бул тууралуу президенттик админстрациянын маалыматтык саясат бөлүмүнөн билдиришти.
Маалыматка ылайык, жолугушуунун жүрүшүндө эки тараптуу кызматташтыктын актуалдуу маселелери, ошондой эле мындан аркы өз ара аракеттенүүнүн келечеги талкууланды.
Белгиленгендей, Фонд менен кызматташуунун алкагында энергетика, транспорт, айыл чарба жана башка тармактарда долбоорлор ийгиликтүү ишке ашырылган.“Бишкек – Ош автомобиль жолун оңдоо долбоору боюнча конструктивдүү кызматташтыкты белгилей кетүү керек, 67 километрден ашык жолдор жасалды. Ошондой эле, Фондго өлкөнүн энергетика секторун колдогондугу үчүн, атап айтканда, Токтогул ГЭСинин калыбына келтирүү долбоорлорунун алкагында, кубаттуулукту 240 МВт көбөйтүүгө мүмкүндүк бергендиги, ошондой эле Камбар-Ата ГЭС-2нин экинчи гидроагрегатын ишке киргизүү долбоору боюнча, бул кубаттуулукту 120 МВт көбөйтүүгө мүмкүндүк берет”, - деди Адылбек Касымалиев.
Өз кезегинде, Евразия турукташтыруу жана өнүктүрүү фондунун башкаруучу директору Ярослав Мандрон менен артыкчылыктуу багыттар боюнча кызматташтыкты мындан ары өнүктүрүүгө жана бекемдөөгө умтулуусун ырастады. Жолугушуунун жүрүшүндө тараптар бир катар тармактарда конструктивдүү өз ара аракеттенүүнү улантууга даяр экендигин билдиришти.
Жолугушуу аяктагандан кийин ЕТӨФ каражаттары тарабынан каржыланган эки инвестициялык долбоор боюнча келишимдерге кол коюу аземи болуп өттү. “Ош облусунун айылдык калктуу коңул-жайларында суу менен камсыздоону жана санитарияны жакшыртуу” жана “Камбар-Ата ГЭС-2нин үстүнкү суу ташкындаткычын куруу”.
Документтерге Евразия турукташтыруу жана өнүктүрүү фондунун башкаруучу директору Ярослав Мандрон жана Кыргыз Республикасынын финансы министри Руслан Сүйналиев кол коюшту.
