Ош облусунда 78 миңден ашык акылдуу эсептегич орнотулду
Энергетика министрлигинин 2025-жылдагы планына ылайык, Ош электр тармактарында жалпы 100 850 даана акылдуу эсептегич орнотулат. Бүгүнкү күнгө чейин 78 475 даанасы орнотулуп, калган 22 375 даанасы жыл аягына чейин орнотулат. Бул тууралуу министрликтин басма сөз кызматынан билдиришти.
Ош шаарында 100% эсептегичтер орнотулуп бүттү. Ал эми облустардагы бөлүштүрүү төмөндөгүдөй:
Араван РЭТине 27 766 даана берилген, анын ичинен 9511 даанасы жыл аягына чейин орнотулат.
Кара-Суу РЭТине 18 390 даана берилген, 3481 даанасы калды.
Өзгөн РЭТине 29 586 даана берилген, 7001 даанасы орнотулат.
Ноокат РЭТине 1 657 даана орнотулду. Толук орнотуу 2026-жылга пландалган.
Акылдуу эсептегичтердин артыкчылыктары:
- Электрди туруктуу жана сапаттуу берүү;
- Реалдуу убакытта маалымат алуу;
- Коррупциялык тобокелчиликти азайтуу;
- Төлөм болгон соң автоматтык кошулуу;
- Тышкы кийлигишүү болгон учурда эскертүү берүү.
Электр энергиясы боюнча суроолоруңуз болсо 105, 1209, +996 772 001209, +996 702 001209, +996 556 001209 (WhatsApp) номерлерине байланышыңыз.
