Кыргызстан MIGA менен энергетика жана инвестицияны талкуулады
Дүйнөлүк банктын жана Эл аралык валюта фондунун 59-жылдык жыйынынын алкагында финансы министри Алмаз Бакетаев Дүйнөлүк банк тобунун жетекчилеринин бири, MIGAнын аткаруучу вице-президенти Хироши Матано менен жолугушту. Бул тууралуу министрликтен билдиришти.
Жолугушууда кызматташтыктын артыкчылыктуу багыттары каралды:
Камбарата-1 ГЭСи аркылуу электр энергиясын экспорттоо жана импортко көз карандылыкты азайтуу;
MIGAнын саясий жана инвестициялык тобокелдиктерге кепилдик берүүдөгү ролу;
Мамлекеттик-жеке өнөктөштүк аркылуу тышкы капиталды тартуу жана жеке каржылоону көбөйтүү;
Климаттык тобокелдиктерди эске алуу жана инфраструктуранын туруктуулугун камсыздоо.
Министр Бакетаев MIGA кепилдиктеринин улуттук стратегияларды ишке ашырууда, туруктуу инфраструктура жана энергия долбоорлорун колдоодо, ошондой эле экономиканы терс таасирлерге туруктуу кылууда маанилүү экенин белгиледи.
Тараптар кызматташууну улантууга жана MIGA катышуусу менен биргелешкен каржылоо механизмдерин караууга даяр экенин ырасташты.
