Энергетика

Караколдогу “Пржевальская” көмөк чордонунун кубаттуулугу жогорулайт

Айгерим Качкынбекова

27 февр. 2026 11:42

Каракол шаарындагы 110/35/10 кВ “Пржевальская” көмөк чордону учурда эки күчтүк трансформатор менен иштеп жатат. 2025-жылы 25 МВА кубаттуулуктагы трансформатор 40 МВАга алмаштырылган. Быйыл дагы бир 25 МВА трансформатор 40 МВА кубаттуулуктагы жаңы жабдууга алмаштырылат. Бул тууралуу Энергетика министрлигинен билдиришти.

Натыйжада көмөк чордонунун кубаттуулугу 15 МВАга жогорулап, жалпы кубаттуулук 80 МВАны түзөт. Бул электр тармагындагы жүктөмдү азайтып, Каракол шаары жана Ак-Суу районунун бир катар айылдарын туруктуу жана сапаттуу электр энергиясы менен камсыздоого шарт түзөт.

Учурда “Пржевальская” көмөк чордон аркылуу 14 752 кардар электр энергиясы менен камсыз болууда. 2023-жылы бул көрсөткүч 13 759 болгон. Акыркы үч жылда кардарлардын саны дээрлик 1 000ге көбөйгөн.

Жаңылоо иштери 2026-жылдын аягына чейин аяктайт.

Мындан тышкары окуңуз

10 сотых жерден 60 күндө 5 тоннадан ашык дарбыз өндүрдүм – фермер Эмир Жаманбаев

10 сотых жерден 60 күндө 5 тоннадан ашык дарбыз өндүрдүм – фермер Эмир Жаманбаев

Акыркы жылдарда Кыргызстанда жеңил жашоону эңсеп сыртка чыгып кетпей тескерисинче дыйканчылык менен киреше табууга ыктаган жаштардын саны арбып баратканы кубандырат. Алардын катарында өткөн жылы Ысык-Көл районунун Бостери айылындагы 10 сотых жерге дарбыздын поларис жана гибриддик визирь сортун эгип, мол түшүм алган Эмир Жаманбаев да бар. Жаш фермер дарбыз айдаганга чейин

Бишкекте 12 миллион сомдук алдамчылыкка шектүүлөр кармалды

Бишкекте 12 миллион сомдук алдамчылыкка шектүүлөр кармалды

20-февралда Свердлов РИИБине 1955-жылы туулган Л.К. арыз менен кайрылган. Анын айтымында, өздөрүн УКМКнын кызматкерлери катары тааныштырган белгисиз адамдар алдоо жана ишенимге кирүү жолу менен 12 млн сом акчасын ээлеп алышкан. Маалыматка ылайык, Кылмыш-жаза кодексинин 209-беренеси (алдамчылык) боюнча кылмыш иши козголду. Ыкчам-издөө жана техникалык иш-чаралардын жүрүшүндө Бишкек РИИББинин кылмыш иликтөө

Транспорт тармагын модернизациялоо жана электромобилдүүлүк талкууланды

Транспорт тармагын модернизациялоо жана электромобилдүүлүк талкууланды

Күн мурун Транспорт жана коммуникациялар министринин орун басары Б. Момбеков Азия өнүктүрүү банкынын өкүлдөрү менен жолугушуу өткөрдү. Бул тууралуу Транспорт жана коммуникациялар министрлигинин маалымат кызматынан билдиришти. Жолугушууда электромобилдүүлүктү өнүктүрүү, кубаттоочу станциялардын инфраструктурасын түзүү, темир жол тармагын модернизациялоо жана жол тармагына санариптик чечимдерди киргизүү маселелери талкууланды. Ошондой эле электр транспортун өнүктүрүү

Өзбекстандан келген 28 миңден ашык көчөт артка кайтарылды

Өзбекстандан келген 28 миңден ашык көчөт артка кайтарылды

Өзбекстандан импорттолгон 28 762 даана көчөт маркировкасы жок болгондуктан, фитосанитардык талаптарды бузуу негизинде кайра кайтарылды. Бул тууралуу Айыл чарба министрлигинен билдиришти. Суу ресурстары, айыл чарба жана кайра иштетүү өнөр жайы министрлигине караштуу Өсүмдүктөрдү химиялаштыруу, коргоо жана карантин департаментине караштуу Баткен башкармалыгынын “Кызыл-Кыя автожолу” фитосанитардык текшерүү постунда 2026-жылдын 23-февралында Өзбекстан Республикасынан