Жаратылыш ресурстары министрлиги Дүйнөлүк банктан 50 млн доллар насыя алды
Дүйнөлүк банктан алынган 50 млн доллар насыянын бир бөлүгүн министрлик Бишкектин калктуу конуштарын газдаштырууга жумшайт. Бул тууралуу министр Динара Кутманова борбор калаанын экологиялык коопсуздугун камсыздоо көйгөйлөрүн чечүүгө арналган тегерек столдо билдирди.
Жыйында Бишкек шаардык кеңешинин депутаты Таалайбек Усубалиев 50 млн доллардын 16 миллионун борбор калааны ирригацияга бөлүү маселеси ачык бойдон калганын билдирди.
«50 миллион доллардын 24 млн доллары жеке секторду газдаштырууга, күн батареяларын орнотууга, жылуулук менен камсыздоонун кошумча булактарына кетет. Ирригацияга 16 млн доллар, экологиялык мониторинг системасын түзүүгө 10 млн доллар убада кылынган”, – деди Кутманова.
