РКӨФ Куланак ГЭСинин курулушуна 44 миллион доллар бөлөт
Россия-кыргыз өнүгүү фонду менен ЕӨБ Нарын облусундагы 100 мегаватт кубаттуулуктагы Куланак ГЭСинин курулушун биргелешип каржылоо боюнча кредиторлор аралык келишимге кол коюшту. Бул тууралуу РКӨФнун маалымат кызматы билдирди.
«ГЭСтин ишке кириши өлкөбүздөгү энергетикалык тартыштыкты дээрлик 20% кыскартууга жардам берет. Аны курууда 1000 жумушчу орун түзүлөт, ал эми ишке берилгенден кийин 100гө жакын. Станция Нарын дарыясында ГЭС каскадынын сериясындагы биринчи станция болот», - деди фонддун башкармалыгынын төрагасы Артем Новиков.
Ошондой эле, дамба менен суунун деңгээлин көтөрүү сугат жерлеринин аянтын 7.2 миң гектарга чейин көбөйтүүгө мүмкүндүк берет.
ЕӨБ Башкармалыгынын төрагасынын орун басары Денис Ильин Куланак ГЭСинин курулушунда буга чейин чоң көлөмдөгү даярдык иштери жүргүзүлгөнүн белгиледи.
