11 млн сомго бааланган жер тилкеси мамлекетке кайтарылды
Түп райондук прокуратурасы тарабынан жер мыйзамдарынын талаптарынын аткарылышы боюнча жүргүзүлгөн текшерүүлөрдүн жүрүшүндө мамлекеттик жерлерди мыйзамсыз берүү фактылары аныкталды.
Башкы прокуратуранын маалыматына ылайык, Балбай айыл аймагындагы аянты 5 гектар болгон жайыт жер тилкеси мыйзам талаптарын бузуу менен 2010-жылы жеке менчикке өткөрүлүп берилгендиги жана Түп айылындагы айыл чарба багытындагы аянты 0,10 гектар болгон жер тилкеси май куюучу жай куруу максатында 1997-жылы мыйзамсыз берилген.
Көрүлгөн прокурордук чаралардын натыйжасында жалпы баасы 11 млн 559 миң сомду түзгөн жогоруда белгиленген мыйзамсыз берилген жер тилкелери мамлекеттик менчикке кайтарылды.
