Россия Федерациясында ишке орношууга көмөк көрсөтүү боюнча КРнын Жарандарды чет өлкөлөрдө ишке орноштуруу борбору менен Татарстандагы «Алабуга» өзгөчө экономикалык аймагынын ортосунда кол коюлду. Бул тууралуу министрликтин маалымат кызматы билдирди.

«Кыргызстандын ичинде да, анын сыртында да мыйзамдуу ишке орноштуруу биздин министрликтин негизги милдети. Кыргызстандыктар жумуш таап жатканда алардын эмгек укуктары жана социалдык кепилдиктери бузулбасына ишениши керек. Бүгүнкү келишим мекендештерибиз мыйзамдуу иштеп, маянасын өз убагында алып, социалдык пакетке ээ болгон бир катар мамлекеттерди толуктайт», - деди министр Кудайберген Базарбаев.

«Алабуга» өнөр жай-өндүрүштүк тибиндеги атайын ӨЭА Елабуга шаарында жайгашкан, Financial Times басылмасынын маалыматы боюнча ал бир нече жолу Европадагы эң мыкты атайын экономикалык аймак катары таанылган.